"หนทางที่ถูกต้องสำหรับการปฏิบัติธรรม" : องค์หลวงปู่น้อย ญาณวโร

#หนทางที่ถูกต้องสำหรับการปฏิบัติธรรม

Siri Hydroponic : คำถาม

หนทางที่ถูกต้องสำหรับการปฏิบัติธรรมของผมคืออะไรครับ....
ฝากคำถามถึงพระอาจารย์ครับ...
มืดมานาน อยากหาทางสว่างแบบไม่เสียเวลา. เวลาผมน้อยลงทุกวันครับ

พ่อหลวงปู่ : ตอบ

เป็นความคิดคือเฮาตั้งแต่ออกปฏิบัติใหม่ๆ หาทางลัดทางสั้น เฮ็ดจั่งใด๋ทางใด๋น่อ บาดนี้กะเลยศึกษาธรรมะของพ่อแม่ครู มันกะบ่กระจ่าง
กะเลยเห็นของหลวงพ่อชา เพิ่นว่า "วาง"
เอ่ะ..มันเป็นจั่งใด๋วาง
แนวกะฮู้นำโตหนังสือเนาะ มันเป็นจั่งใด๋วาง
วางมันจั่งง่ายบ่เอาหยังคือ วาง
บาดนี้ไปอยู่นำครูบาอาจารย์รูปหนึ่ง เอาให้มั่น เอาโตนี้ให้มั่น มันกะเลยสับสน
นี่แหละ คั่นสิมาสอนกันสั้นๆ สอนจั่งใด๋

บาดนี้กะเลยไปพ้อคำสอนพระพุทธเจ้าที่ในหนังสือบอกว่า สติทำให้มาก อย่างอื่นไม่จำเป็น เอาสติไว้ก่อน ยืนเดินนั่งนอนพูดคิดดื่มทำ เอาสติไว้ก่อน ให้มีสติรู้ กะเลยเอาตัวนี้เป็นตัวยึด มันเลยได้ทาง หลวงปู่เด้
พอมันได้ทางปุ้บ มันกะเลยอยู่ตัวนี้ รู้ตัวอยู่ด่นๆ (นาน) นั่งอยู่กะสิรู้ รู้ตัวว่านั่ง จนมันค่อยจางลงๆ กระตุกจิต.. มันก็จะรู้ตัวเอง
สิค่อยเฮ็ดไปๆ มันบ่แม่นของเฮ็ดง่าย

ถ้าธรรมะสั้นๆ จะเข้าใจง่ายก็คือ "มีสติแล้ววางทุกสิ่งอย่าง ไม่เอา"
ถ้าทำอย่างนี้ได้ก็คือ จบเกม

"มีสติทุกเมื่อ วางทุกสิ่งอย่าง ไม่เอาภพชาติอีก" นี่คือสุดท้ายของมัน ทางลัดที่จะไปนั่น(นิพพาน) มีแค่นั้น

จะปฏิบัติอะไรก็ตาม มันจะไปแค่ว่า มีสติแล้ว วางได้หรือไม่ได้แค่นั้นเอง
พ่อก็เลยว่า "เส้นผมบังภูเขา"

นี่เป็นธรรมะที่สั้น ฟังง่ายและทำได้

โอวาทธรรม : องค์หลวงปู่น้อย ญาณวโร
๓๑ พฤษภาคม ๒๕๖๓
วัดป่าห้วยริน จังหวัดขอนแก่น