"สมควรเอาธรรมเอาวินัยออกมาแสดง" : องค์หลวงปู่น้อย ญาณวโร

"สมควรเอาธรรมเอาวินัยออกมาแสดง"

"...ขณะนี้เฮาเป็นชาวพุทธ พ่อแม่ครูก็เป็นชาวพุทธ สมควรสิเอาธรรมวินัยออกมาแสดง ให้ลูกหลานเขาได้เคารพพระพุทธเจ้าพระธรรมพระสงฆ์ มันเป็นหน้าที่ของเฮา บ่แม่นว่าสิให้แต่เขามาเคารพเจ้าของ มันบ่แม่น อย่าไปคิดจั่งซั่นมันบ่แม่นครอง ถ้ามีความเคารพเทิดทูนอีหลี พระพุทธพระธรรมพระสงฆ์นี่มันเลิศประเสริฐอีหลีเด้ เฮ็ดให้ลูกเขาเห็น ด้วยความอ่อนน้อมถ่อมตน เฮ็ดให้เขาเห็น เขาก็สิเอาตัวอย่างไปใช้ บ่แม่นเป็นครูเป็นบาเขาแล้ว สิให้เขามาเคารพเจ้าของผู้เดียว บ่เอาธรรมวินัยออกมาแสดง อ้างแต่ว่าเจ้าของเลิศเจ้าของประเสริฐ อูย..อันนี้รับบ่ได้ เดี้ยวนี้มีแต่แนวนี้ พอแต่ลูกศิษย์สิไปหม่องนั่นหม่องนี้แน่ เอาละบาดนี้ หวงลูกศิษย์ "เป็นหมาหวงขี้"

คือลูกศิษย์สิมาหาเฮานี่ เขาสิมากราบมาไหว้เฮา "อย่าไปหาหลวงพ่อน้อยเด้อนั่น ได้ยินเขาว่าเพิ่นนั่น ผิดทางเด้นั่น เพิ่นสอนผิดทางเดันั่น" เห็นบ่ล่ะนั่น เอ้า.. ผิดทางแล้วบ่มีดอกแนวนี้

ผิดทางแนวได๋ นั่นล่ะ เฮากะเลยซัดครูบาอาจารย์คืน อ๋อ..ผิดทางเพราะว่าผมไม่ได้สร้างเจดีย์เหมือนครูบาอาจารย์เหรอ เอ้า..ก็เพราะผมไม่มีเงิน นั่น ผิดทางเพราะผมไม่ได้สร้างศาลาใหญ่เหมือนครูบาอาจารย์เหรอเพราะผมไม่มีเงิน เห็นบ่ล่ะ ผิดทางเพราะผมไม่มีลูกศิษย์ลูกหาเหมือนครูบาอาจารย์ใช่ไหม เพราะผมเป็นพระป่าผมอยู่ป่าตลอด ผมไม่ไดัสนใจกับใคร ว่าเฮาผิดทาง ผิดทางแนวได๋ แยกแยะติ๊ล่ะ อันนี้ล่ะ ศาสนาเฮาเลยจมไป ๆ เพราะว่าครูบาอาจารย์พ่อแม่ครูพาเป็น ..."

พระธรรมเทศนา : องค์หลวงปู่น้อย ญาณวโร
๓ กรกฎาคม ๒๕๖๓
วัดป่าห้วยริน จังหวัดขอนแก่น