คร่าวธรรมคำสอน หลวงปู่ครูบาหน้อย วัดบ้านปง

คร่าวธรรมคำสอน
พระครูชัยวงศ์วิวัฒน์ หลวงปู่ครูบาหน้อย วัดบ้านปง อำเภอแม่แตง จังหวัดเชียงใหม่
เทศนา ๒๘ ธันวาคม ๒๕๓๗
<o>> </o>>
อัตตะอัตตา ตัวเฮานี้หนา
หนาคืบเท่าอั้น ตั้งต่ำสูงนั้น
หากมีปอวา ลวงขวางนั้นนา
ศอกหนึ่งเท่าอั้น ตั้งต่ำสูงนั้น
ตั๋วไผ๋ตั๋วมัน ต๊ะโจ๋มีหนัง
หุ้มปันป้อกไว้ ตัวปุ๋มปอดไส้
บ่มไว้ภายใน เอ็นผ่านไป
เปรียบเตียมต้นไม้ เครือเขาเกี้ยวไว้
ซุ่นซ่านซุนซาน มีน้ำและยาง
เลือดลมไหลขึ้น บ่ใจ้ลึกตื้น
ขึ้นต๋ามเส้นเอ็น เป็นตุ่มเป็นเป๋า
จะหนองมีหั้น เป็นดีจะล้ำ
ขี้เดียดเต็มที อัฐดูกดี
ผ่องใหญ่ผ่องน้อย เผียบเตียมเจื้อกห้อย
กีมหอกงัวควาย เต๊าะต่อกั๋นหลาย
หั๊กงอก๊ดได้ วาโยจูงไว้
ไปๆ มาๆ ยกแข้งคู้ขา
ยกย้ายไปได้ ในปุ๋มในใส้
เป็นแต่มลทิน ปากขบเคี้ยวกิ๋น
บ่จั้งบ่อยั้ง ตึงข้าวและน้ำ
หมากเมี่ยงปูยา เพราะเพื่อตัณหา
ใคร่กิ๋นใคร่ได้ ใส่ต๊องเลี้ยงใส้
เป็นทุกข์พอมัน เมื่อปัญจขันธ์
ยั่งเที่ยงอยู่มั่น เฒ่าแก่ไปนั้น
ก็แปรปรวนไป จะไปที่ไหน
ต้องขันไม้เท้า ชราแก่เฒ่า
หัวสั่นงอนๆ หัวขาวปอนๆ
เขี้ยวเว้าว้อมแว้ม ตังกามและแก้ม
สวดเว้าวูมวาม บ่มีตี้งาม
หนังยานเหี่ยวแห้ง ย่างทางงะแง้ม
ดูกข้างหลังโกง กั้นว่าใคร่หัว
ก็เหมือนดั่งไห้ ไผ่บ่าใคร่ใกล้
เหม็นสาบเหม็นคาว ป๋านดำแดงขาว
ซ้ำมาเตี่ยมแต๊ง ต๋ามัวบ่แจ๊ง
หูหนวกกั๋นไป เปิ้นฟู่กันไหน
บ่ยินบ่อฮู้ ไผ๋บ่าใคร่อู้
หูเฒ่าบ่อยิน แต่นอนและกิ๋น
ปากจ๋านี้ได้ ลูกหลานฝูงใบ้
ผ้องว่าไปยาว ว่าเฒ่าสะหาว
ตู๋บ่ใคร่เลี้ยง มีแต่อมเมี้ยง
และดูดยาควัน ลางผ่องก็จัง
ลางผ่องฮักแต้ บ่เหมือนกั๋นแล
กรรมไผบุญมัน ธรรมะพุทธัง
กล่าวไว้เป็นมั่น การเป็นจะนั้น
กรรมหากพามา อะโห ทุกขา
เป็นทุกข์เมื่อเฒ่า กำพระเจ้า
ว่าสังขารา บ่ควรราสา
ประมาทแต้ๆ หมั่นกิ๋นหมั่นแก้
ไหว้นบครบยำ ไว้หื้อได้หัน
นิมิตไปหน้า เมื่อขันธ์ทั้งห้า
แตกม้างเพตา หื้อได้จำศิล
ภาวนาต้อยๆ หื้อได้เข้าสู่ห้อง
เวียงแก้วเจ้าราช เณระปาน
จุ่งจะมี เตี่ยงแต๊ดีหลี<o>></o>>

 

สาธุๆๆๆๆ ไหว้สาพระมหาเถระเจ้า......ต๋นบุญแห่งล้านนา.....สาธุ

 

เมื่อคืนของวันที่ 22 มิถุนายน 2555 ไปนอนฝันว่า มีเณรบอกให้ไปกราบไปหา ครูบาน้อย วัดปง ๆ อะไรซักอย่างในความฝัน ตื่นขึ้นมาค้นดูในอินเตอร์เน็ตก็ตกใจเพราะว่าเจอ ตามชื่อพร้อมชื่อวัดบ้านปงจริง ๆ ด้วยทั้ง ๆ ที่ยังไม่เคยทราบมาก่อนเลยครับ

สาธุ ๆ ครับ

 

ผมเคยไปกราบพระศพท่านมาแล้วครับ พระศพของท่านไม่เน่าไม่เปื่อยครับ